Tilkynning frá aðgerðastjórn á Austurlandi – súrálsskip á Reyðarfirði, COVID-19
Læknir og hjúkrunarfræðingur fóru um borð í súrálsskip við Mjóeyrarhöfn á Reyðarfirði í gær. Mátu þau ástand og líðan áhafnarmeðlima sem greindust með Covid við …
Umdæmi lögreglustjórans á Austurlandi er víðfemt með sex starfsstöðvar; á Eskifirði þar sem er aðalstöð lögreglu og lögreglustjóri hefur aðsetur, Egilsstöðum, Fáskrúðsfirði, í Neskaupstað, á Djúpavogi og Vopnafirði.
Rannsóknardeild er á Fáskrúðsfirði sem sinnir öllu starfssvæðinu. Þar eru stærri brot og umfangsmeiri rannsökuð. Önnur mál eru að jafnaði til rannsóknar í almennri deild. Netfang rannsóknardeildar er rannsoknaustur@logreglan.is .
Verkefni lögreglu eru fjölbreytt á svo stóru starfssvæði með hálendiseftirliti meðal annars og virku eftirliti í tengslum við ferðir Norrænu sem siglir vikulega allt árið til hafnar á Seyðisfirði.
Sérstaða embættisins er dreifð byggðin með tólf byggðakjörnum allt frá Djúpavogi í suðri til Vopnafjarðar í norðri. Stærstur þeirra er Egilsstaðir með sína ríflega tvö þúsund og fimm hundruð íbúa, en íbúafjöldi svæðisins er rétt um tíu þúsund.
Starfsstöðvar á Eskifirði og Egilsstöðum eru opnar frá kl. 08:00 til 14:00. Ef enginn er við er hægt að hringja í síma 444 0600. Ef þörf er á skjótri aðstoð lögreglu skal hafa samband í síma 112. Netfang lögreglu er austurland@logreglan.is
Lögreglustjóri er Margrét María Sigurðardóttir.
Aðrir stjórnendur eru:
Kristján Ólafur Guðnason yfirlögregluþjónn, netf. kog01@logreglan.is,
Elvar Óskarsson lögreglufulltrúi sem stýrir rannsóknardeild embættisins, netf. elvar@logreglan.is,
Hjalti Bergmar Axelsson aðalvarðstjóri á Egilsstöðum, netf. hjaltiberg@logreglan.is, og Þórhallur Árnason aðalvarðstjóri á Eskifirði, netf. thorhallur.arnason@logreglan.is .
Tilkynning frá aðgerðastjórn á Austurlandi, – COVID-19
Norræna kom í morgun til Seyðisfjarðar með 55 farþega innanborðs. Fimmtíu og einn þeirra fór í sýnatöku en fjórir hugðust halda áfram með skipinu og fóru því ekki í land. Tuttugu og tveir farþeganna fengu gistingu á sóttvarnarhótelinu í Hallormsstað. Aðrir ljúka sóttkví sinni annarsstaðar þar sem yfirvöld heimila.
Gert er ráð fyrir að um ellefu hundruð íbúar Austurlands verði bólusettir í þessari viku. Eru þá ríflega fjögur þúsund ýmist full bólusettir eða þeir hafið bólusetningu. Það er rétt um fjörutíu prósent íbúa. Skipulagning og umsjón þessa verkefnis hefur hvílt á starfsmönnum Heilbrigðisstofnunar Austurlands, HSA. Um gríðarstórt verkefni er að ræða og viðamikið. Það hefur gengið vel og þykir ástæða til að hrósa HSA fyrir þeirra þátt og ekki síður íbúum, en velvild þeirra, þolinmæði, þrautseigja og sveigjanleiki hefur átt stóran þátt í snurðulausum gangi þess.
Að endingu vekur aðgerðastjórn athygli á að ferðamönnum fer nú fjölgandi á landinu með auknum fjölda flugfarþega sér í lagi. Í því felast tækifæri en einnig áskoranir þegar litið er til sóttvarna. Gætum því að okkur sem fyrr og stuðlum þannig að ánægjulegu sumri.
Gerum þetta saman.
Tilkynning frá aðgerðastjórn á Austurlandi, – COVID-19
Enginn er með greint COVID smit á Austurlandi.
Bólusetning í fjórðungnum gengur vel. Gert er ráð fyrir að við lok næstu viku hafi náðst að bólusetja fólk fætt 1961 og eldra. Innan tveggja vikna verði svo allir með undirliggjandi sjúkdóma bólusettir að minnsta kosti einu sinni. Hafi fólk spurningar varðandi stöðu sína í bólusetningum þá er hægt að fara inn á spjall á heilsuvera.is Hugsanlegar aðrar spurningar varðandi bólusetningar má senda á sottvarnir@hsa.is
Norræna kom í morgun með 98 farþegar. Allir fóru í sýnatöku utan þrjú börn undir bólusetningaaldri. Þrjátíu og einn fóru í sóttvarnarhús á Hallormsstað. Niðurstöðu sýnatöku er að vænta í kvöld eða í fyrramálið.
Aðgerðastjórn vekur athygli á að góð staða nú er ekki trygging fyrir því að sú verði áfram raunin. Blikur eru víða á lofti, bæði innan lands og utan. Við þurfum því að gæta að okkur sem fyrr. Gott er þá að hafa orð skáldsins í huga sem áréttaði mikilvægi þess að vera á verði aftan og framan og allt um kring, þó af öðru tilefni væri.
Með hækkandi sól ættum við að endingu að komast á beinu brautina en munum að enn er spölur eftir. Um samstarfsverkefni er að ræða og með því að gæta að eigin hag hugum við að öðrum. Gerum þetta saman.
Heilsuvera - Vefur fyrir almenning um heilsu og áhrifaþætti hennar | Heilsuvera
heilsuvera.is
Heilsuvera er vefur fyrir almenning um heilsu og áhrifaþætti hennar. Inn á mínum síðum er öruggt vefsvæði þar sem hægt er að eiga í samskiptum við starfsfólk heilbrigðisþjónustunnar...
Meint sóttvarnabrot, – rannsókn
Ábendingar bárust lögreglu um hugsanlegt sóttvarnarbrot á Austurlandi á föstudagskvöld. Þá var árshátíð haldin í umdæminu og lék grunur meðal annars á að fjöldatakmarkanir hafi ekki verið virtar miðað við þær samkomutakmarkanir sem í gildi eru.
Rannsókn hófst á laugardag og telst lokið. Málið verður nú sent ákærusviði embættisins sem tekur ákvörðun um framhaldið. Sektir fyrir brot á reglugerð nr. 440/2021 um takmörkun á samkomum vegna farsótta sem gerðar eru forsvarsmönnum /skipuleggjendum samkomu skulu vera 250-500 þúsund samkvæmt fyrirmælum ríkissaksóknara.
Lögregla vill nota þetta tækifæri til að árétta þær sóttvarnareglur sem í gildi eru og hvetja til sérstakrar gætni þegar kemur að samkomum. Hún bendir á að hægt er að senda fyrirspurn til aðgerðastjórnar almannavarnanefndar á Austurlandi ef vafi leikur á túlkun sóttvarnareglna. Hægt er að senda slíkar fyrirspurnir á austurland@logreglan.is eða sottvarnir@hsa.is.
Það væri margt hægt að gera annað og betra við þennan pening, en í sekt. Ja Sæll. 😮
