Lögreglan á Austurlandi

Lögreglan á Austurlandi

9 tímum síðan

Skólahald í Fjarðabyggð – Þriðjudaginn 28. mars

Ekkert skólahald verður í leik- og grunnskólum í Neskaupstað, á Eskifirði, og Fáskrúðsfirði á morgun. Á öllum þessum stöðum er þungfært víða á götum og göngustígum auk þess sem rýming er enn í gildi á Eskifirði og í Neskaupstað og gildir hún í það minnsta fram eftir morgni. Staðan verður tekin á nýjan leik í fyrramálið og gefin út tilkynning upp úr kl. 11:00. Fólk er beðið að fylgjast vel með miðlum sveitarfélagsins vegna þessa auk tilkynninga um aðra þætti í þjónustu sveitarfélagsins.

Skólahald verður með hefðbundnum hætti á Reyðarfirði, Breiðdalsvík og Stöðvarfirði.

Snjóruðningur mun hefjast allstaðar snemma í fyrramálið, en þar er mikið verk fyrir höndum. Íbúar eru beðnir um að sýna verktökum sem sinna snjómokstri tillitsemi og þolinmæði meðan sú vinna stendur yfir. ... Sjá meiraSjá minna

Lögreglan á Austurlandi

13 tímum síðan

Ríkislögreglustjóri í samráði við lögreglustjórann á Austurlandi hefur ákveðið að fara af neyðarstigi Almannavarna niður á hættustig.
Neyðarstigi var lýst yfir í morgun þegar snjóflóð féll í Neskaupstað. Núna er staðan sú að búið er að rýma á annað hundrað heimila í Neskaupstað, Seyðisfirði og á Eskifirði og um 500 manns hafa þurft að yfirgefa heimili sín. Nú þegar tökum hefur verið náð á ástandinu og enginn er talinn í bráðri hættu hefur verið ákveðið að fara af neyðarstigi á hættustigi Almannavarna, sem er í samræmi við verklagreglur þar um.

Vegna snjóflóðahættu er gert ráð fyrir að áframhaldandi rýming verði á Seyðisfirði, í Neskaupstað og á Eskifirði til morguns. Staðan verður þá tekin að nýju og kynnt. Verði breytingar á þessum á tilteknum svæðum, mun það strax kynnt hlutaðeigandi. ... Sjá meiraSjá minna

Lögreglan á Austurlandi

16 tímum síðan

Veðurstofan hefur ákveðið að rýma svæði 4 á Eskifirði í varúðarskyni. Hættustigi Veðurstofunnar hefur verið lýst yfir á Eskifirði vegna óstöðugs snjóalags en mikið hefur snjóað í NA snjóbyl.

Göturnar sem um ræðir eru:
Bogahlíð 2,4,6,12 og 14
Brekkubarð 1-3
Dalbarð 2-4,6,8,11,13 og 15
Eskifjörður
Fífubarð 1-11

Íbúar í rýmdum húsi eru beðnir um að gefa sig fram í fjöldahjálparstöð í grunnskólanum á Eskifirði þar sem skráning fer fram. ... Sjá meiraSjá minna