//Polski poniżej// //English below// Ákveðið hefur verið að aflétta rýmingu húsa á Flateyri sem rýmd voru í öryggisskyni í gær vegna snjóflóðahættu. Heldur hefur dregið úr …
//English below// //Polski poniżej// Hættustigi hefur verið lýst yfir á Flateyri vegna hættu á snjóflóðum. Fjögur íbúðarhús og eitt atvinnuhúsnæði á Flateyri verða rýmd og tekur rýmingin …
Ákveðið hefur verið að rýma reit 9 á Ísafirði vegna snjóflóðahættu (sjá meðfylgjandi kort). Á þessum reit eru atvinnuhúsnæði. Áður hafði verið tryggt að húsin …
Lögreglan á Vestfjörðum
Hafnarstræti 1
400 Ísafirði
Beinn sími: 444 0400
Þjónustusími allan sólarhringinn: 444 0400
Netfang: vestfirdir@logreglan.is
Með lögreglustjórn í umdæminu fer lögreglustjórinn á Vestfjörðum með aðsetur á Ísafirði.
Sveitarfélög í umdæmi lögreglustjórans á Vestfjörðum eru:
Bolungarvíkurkaupstaður, Ísafjarðarbær, Súðavíkurhreppur, Árneshreppur, Kaldrananeshreppur, Strandabyggð, Reykhólahreppur, Vesturbyggð og Tálknafjarðarhreppur.
Vestfirðir skiptust áður í fimm sýslur: Austur-Barðastrandarsýslu, Vestur-Barðastrandarsýslu, Vestur-Ísafjarðarsýslu, Norður-Ísafjarðarsýslu og Strandasýslu en í dag er venja að tala fremur um Barðastrandarsýslur, Ísafjarðarsýslur og Strandir.
Barðastrandarsýslur ná frá syðsta hluta Vestfjarðarkjálkans, frá botni Gilsfjarðar að austanverðu út á Látrabjarg að vestan og norður að Langanesi í Arnarfirði. Margar eyjar Breiðafjarðar tilheyra sýslunni.
Strandasýsla heitir eftir strandlengjunni frá Hrútafirði norður að Geirólfsnúpi.
Ísafjarðarsýslur taka yfir landsvæðið frá Langanesi í Arnarfirði allt norður í Horn og þaðan í Geirólfsnúp við sunnanverðan Reykjafjörð, þar sem sýslumörk Ísafjarðar- og Strandasýslu eru.
Þannig nær umdæmi lögreglustjórans á Vestfjörðum yfir nær allan Vestfjarðarkjálkann að undaskildum Bæjarhreppi í Strandasýslu, en hann sameinaðist Húnaþingi Vestra þann 1. janúar 2012. Umdæmið nær norður Strandir og fyrir Hornbjarg, suður fyrir Látrabjarg til Gilsfjarðar. Sýslumörk eru áfram við Vestur-Húnavatnssýslu í austri, Mýrasýslu og Dalasýslu í suðri.
Flatarmál Vestfjarða er 9.356 ferkílómetrar. Þar af eru eyjar og sker 21.5 ferkílómetrar. Til samanburðar er flatararmál Íslands, með eyjum og skerjum, 102.712 ferkílómetrar. Embættinu tilheyrir ein lengsta strandlengja landsins eða rúmlega 2000 km. Strandlengja Íslands er í heild 4970 km. Stofn- tengi- og landsvegir, auk héraðsvega að öllum byggðum bæjum sem hafa ábúendur (lögheimili) í umdæminu, eru samtals 1553 km.
Íbúar í umdæmi lögreglustjórans á Vestfjörðum 1. janúar 2014 voru 6972 og skiptust þannig eftir sveitarfélögum:
Bolungarvíkurkaupstaður 950, Ísafjarðarbær 3639, Súðavíkurhreppur 202, Árneshreppur 53, Kaldrananeshreppur 105, Strandabyggð 506, Reykhólahreppur 271, Vesturbyggð 949 og Tálknafjarðarhreppur 297.
Lögreglustöðvar eru á Ísafirði, Hólmavík og á Patreksfirði og lögreglumenn eru 20 talsins.
Vestfirðir - fíkniefnamál.
Síðdegis miðvikudaginn 27. nóvember sl. handtók lögreglan á Vestfjörðum tvo einstaklinga sem voru að koma akandi frá höfuðborgarsvæðinu til Ísafjarðar. Grunur hafði vaknað um að aðilarnir væru með fíkniefni í fórum sínum.
Aðilarnir voru færðir á lögreglustöðina á Ísafirði og framkvæmd var leit í bifreið þeirra og á þeim sjálfum. Fíkniefnaleitarhundur lögreglunnar á Vestfjörðum, Krummi, aðstoðaði við leitina. Vandlega falin fíkniefni fundust við leitina. Um var að ræða kannabisefni og kókaín í nokkru magni.
Aðilunum var sleppt að yfirheyrslum loknum. Ekki liggur fyrir játning um að efnin hafi verið ætluð til dreifingar en efnismagnið bendir til þess gagnstæða.
Lögreglan á Vestfjörðum vill nota tækifærið og hvetja alla sem búa yfir upplýsingum eða hafa grun um fíkniefnameðhöndlun að koma ábendingum um það til lögreglunnar. Það er hægt að gera með því að hringja í 112 og biðja um lögregluna á Vestfjörðum, eða með því að hringja í 4440400.
Þá er hægt að hringja í upplýsingasíma lögreglunnar, nafnlaust, sem er 800 5005 eða leggja inn skilaboð, sjá hlekkinn hér að neðan.
www.logreglan.is
Upplýsingasíminn 800 5005 og netfangið info@rls.is eru samvinnuverkefni lögreglu og tollgæslu og liður í baráttunni við fíkniefnavandann. Hafir þú upplýsingar varðandi fíkniefni, mansal...
Almannavarnir á Vestfjörðum
Nú stendur yfir námskeið á Hólmavík fyrir björgunarsveitafólk, slökkviliðsmenn og lögreglumenn í Strandasýslu og Reykhólahreppi sem hafa boðist til að skipa vettvangsstjórn almannavarna á svæðinu.
Vettvangsstjórn er bakland þeirra viðbragðsaðila sem eru í lífsbjargandi aðgerðum á vettvangi svo sem ef slys ber að höndum eða samhæfa þarf viðbragð margra viðbragðseininga vegna annarra alvarlegra verkefna.
Aðgerðastjórn almannavarna á Vestfjörðum er staðsett á Ísafirði og er bakland vettvangsstjórna eins og nú verður skipuð í Strandasýslu og Reykhólahreppi.
Til eru tvær aðrar vettvangsstjórnir á Vestfjörðum. Önnur er með staðsetningu á sunnanverðum Vestfjörðum og hin á norðanverðum Vestfjörðum.
Lögreglustjórinn á Vestfjörðum fékk starfsfólk almannavarnadeildar ríkislögreglustjóra til að halda námskeiðið.
Fyrir áhugasama er hér hlekkur á upplýsingar um hlutverk vettvangsstjórna, aðgerðastjórna og samhæfingu miðstöðvar www.almannavarnir.is/almannavarnarstig/
Borgarísjaki út af Vestfjörðum.
Tilkynnt hefur verið um borgarísjaka vestur af Vestfjörðum. Landhelgisgæsla Íslands/Icelandic Coast Guard hefur varað sjófarendur við honum.
En einnig, að ósk lögreglunnar á Vestfjörðum, fór LHG í eftirlitsflug yfir jakann í gær og annes á Vestfjörðum til að ganga úr skugga um að enginn hvítabjörn hefði tekið sér far. Svo reyndist ekki vera.
Var ekki enginn hvítabjörn? Það þýðir að að það sé hvítabjörn.
Alltaf sama Dramað .
Hvaða hvaða..... ein bangsi.😘😶🌫️
Datt það í hug þegar ég sá sel í grynningu að borða fugl í gær. ♡♡
