Lögreglan á Vestfjörðum

Lögreglan á Vestfjörðum

3 dögum síðan

Með vorkomunni eykst umferð gangandi vegfarenda og hjólreiðamanna. Þá eykst einnig notkun rafhlaupahjóla og léttra bifhjóla en um slík tæki er ætlunin að fjalla stuttlega um hér.

Rafhlaupahjól teljast til reiðhjóla og mega ná 25 km hraða á klst. að hámarki. Þau má m.a. nota á gangstéttum og göngustígum. Ekkert aldurstakmark er á slík hjól samkvæmt núgildandi lögum, en leigufyrirtæki slíkra hjóla setja oft eigin aldurstakmark á sín hjól sem þá eru á þeirra vegum.
Létt bifhjól í flokki I eða svokallaðar vespur geta verið bensín- og rafknúin með allt að 50 cc bensínvél eða 4 kW rafmótor. Þau eru jafnan stærri og þyngri en rafhlaupahjól og framleidd sem létt bifhjól. Þau mega einnig ná 25 km hraða á klst. að hámarki, eru ekki skráningar- eða tryggingarskyld en ökumenn slíkra hjóla þurfa að hafa náð 13 ára aldri. Þau má einnig nota á gangstéttum og göngustígum.
Þá eru til létt bifhjól í flokki II einnig þekkt sem skellinöðrur. Slík hjól mega hafa sömu vélarstærð og í flokki I, þ.e. allt að 50 cc bensínvél eða 4 W rafmótor. Þau mega ná 45 km hraða á klst að hámarki og eru skráningar- og tryggingaskyld. Að auki þarf ökuréttindi á slík hjól, almennt bílpróf eða AM-réttindi sem 15 ára og eldri geta sótt um.
Þá er óheimilt að hafa farþega á léttu bifhjóli nema ökumaður hafi náð 20 ára aldri og hjólið sé framleitt fyrir farþega.

Nokkuð virðist um það að hjólum af þessum tegundum sé breytt með þeim hætti að þau ná meiri hraða en lög mæla fyrir um. Er þá sérstaklega um að ræða rafhlaupahjól og létt bifhjól í flokki I (vespurnar) sem sumar hverjar ná 70-100 km hraðar eftir því sem mátt hefur sjá.
Slíkum hjólum er ekki gott að vita af meðal gangandi vegfarenda eða með börn við stjórn þeirra.
Þá er einnig óheimilt að hafa farþega á léttu bifhjóli nema ökumaður hafi náð 20 ára aldri og hjólið sé framleitt fyrir farþega.

Lögreglan á Vestfjörðum ráðgerir m.a. að hafa sérstaklega eftirlit með þessum málaflokki á næstu vikum og mánuðum. Er því beint til eigenda slíkra hjóla sem ekki eru í samræmi við lög að nota þau ekki og því beint til foreldra og forráðamanna barna sem nota slík hjól að heimila ekki notkun þeirra. ... Sjá meiraSjá minna

Lögreglan á Vestfjörðum

2 vikum síðan

Gleðilegt sumar og megi sumarið reynast ykkur gott og gleðilegt.
Tekið í Önundarfirði fyrir fáeinum kvöldum. ... Sjá meiraSjá minna

Lögreglan á Vestfjörðum

3 vikum síðan

Lögreglan fær venjulega ýmsar fyrirspurnir sem hún reynir eftir fremsta megni að svara.
Ein þeirra sem algeng er um þessar mundir snýr að notkun nagladekkja. Samkvæmt reglugerð er notkun á nagladekkjum óheimil frá og með 15. apríl til og með 31. október ár hvert nema að þess sé þörf vegna akstursaðstæðna.
Þó svo að hlýir vindar séu í kortunum næstu daga eru Vestfirðingar fullmeðvitaðir um að veturinn kveður sjaldnast hér vestra fyrir fullt og allt í aprílmánuði.
Því verða ekki gerðar athugasemdir við notkun nagladekkja á Vestfjörðum á næstunni enda væri slíkt ekki skynsamlegt með tilliti til umferðaröyggis. Staðan verður tekin aftur er lengra líður á vorið með hliðsjón af færð og veðurhorfum.
Þá má búast við að þess verði getið hér þegar breytinga er að vænta. ... Sjá meiraSjá minna