Lögreglustöðin á Eskifirði
Strandgötu 52
735, Eskifirði
Þjónustusími: 444 0600
Netfang: austurland@logreglan.is
Fax: 444 0601
Lögreglan minnir á kynningu almannavarnanefndar Austurlands á nýjum rýmingarkortum í Fjarðabyggð og Múlaþingi. (Sjá og færslu hér fyrir neðan.)
Kynningin verður sem hér segir:
Seyðisfjörður, - Herðubreið þriðjudaginn 3. desember kl. 17:00.
Stöðvarfjörður, - Grunnskólinn miðvikudaginn 4. desember kl. 16:00.
Fáskrúðsfjörður, - Grunnskólinn miðvikudaginn 4. desember kl. 18:00.
Neskaupstaður, - Nesskóli, miðvikudaginn 4. des. kl. 20:00.
Eskifjörður, - Grunnskólinn fimmtudaginn 5. desember kl. 20:00.
Undanfarið ár hafa sérfræðingar Veðurstofu Íslands unnið með Almannavarnarnefnd Austurlands að því að uppfæra rýmingarkort vegna ofanflóðahættu fyrir þéttbýlin í Múlaþingi og Fjarðabyggð.
Um er að ræða rýmingarkort fyrir Seyðisfjörð, Neskaupstað, Eskifjörð, Fáskrúðsfjörð og Stöðvarfjörð. Voru hin nýju kort staðfest af Guðlaugi Þór Þórðarsyni umhverfis-orku- og loftlagsráðherra í dag, fimmtudaginn 28.nóvember, og taka nú gildi í stað eldri korta.
Nýir rýmingareitir miða við ofanflóðavarnir sem risið hafa frá því hættumat ofanflóða var gert ásamt öðrum þáttum sem draga úr hættu.
Ein mikilvægasta breytingin er sú að nú eru kortin sett fram á stafrænan hátt og verða aðgengileg á heimasíðu sveitarfélaganna Múlaþings og Fjarðabyggðar. Þar uppfærast allar breytingar jafnóðum, hvort heldur nýjar götur eru lagðar eða hús byggð. Þá munu kortin einfalda skipulag og vinnu viðbragðsaðila ef til rýminga kemur.
Kortin verða aðgengileg íbúum á heimasíðum sveitarfélaganna tveggja á næstu dögum. Geta þá íbúar kynnt sér á hvaða rýmingareitum hús þeirra eru. Jafnframt mun Almannavarnarnefnd Austurlands bjóða upp á kynningu fyrir íbúa sem hér segir:
Seyðisfjörður, - Herðubreið þriðjudaginn 3. desember kl. 17:00.
Stöðvarfjörður, - Grunnskólinn miðvikudaginn 4. desember kl. 16:00.
Fáskrúðsfjörður, - Grunnskólinn miðvikudaginn 4. desember kl. 18:00.
Eskifjörður, - Grunnskólinn fimmtudaginn 5. desember kl. 20:00.
Kynning á kortum fyrir Neskaupstað fór fram á fundi þar í lok október sl.
Mynd hér að neðan var tekin við undirritun kortanna á Veðurstofunni í dag. Með ráðherra, Guðlaugi Þór Þórðarsyni, er Hildigunnur H.H. Thorsteinsson, forstjóri Veðurstofunnar, Matthew J. Roberts, framkvæmdastjóri þjónustu- og rannsóknasviðs Veðurstofunnar, Tómas Jóhannesson, sérfræðingur í ofanflóðahættumati hjá Veðurstofu og Ragnar Heiðar Þrastarson, fagstjóri landupplýsingakerfa á Veðurstofunni. (Ljósmynd: Veðurstofa Íslands/Haukur Hauksson)
Vonskuveður framundan 🌨❄️🌪
Veðurstofa Íslands hefur gefið út gular og appelsínugular veðurviðvaranir fyrir Austurland að Glettingi og Austfirði í dag, föstudag 15. nóvember frá kl. 14:00 til kl. 14:00 á morgun, laugardag.
Útlit er fyrir norðan og norðvestan hvassviðri, 15-28 m/s með snjókomu og lélegu skyggni og má búast við enn sterkari vindhviðum.
Gera má ráð fyrir samgöngutruflunum og varasömu ferðaveðri og að samgöngur milli landshluta raskist, búast má við að fjallvegum verði lokað.
Vegfarendur eru hvattir til að fylgjast vel með færð á vegum og veðurspá áður en haldið er af stað á meðan veðrið gengur yfir og að vera ekki á ferðinni að nauðsynja lausu.
Förum varlega, fylgjumst vel með og komum heil heim.
www.umferdin.is
www.vedur.is
Forsíða Veðurstofu Íslands | Veðurstofa Íslands
www.vedur.is
Austan og suðaustan 10-18 m/s og rigning, sunnan 15-23 undir morgun, en úrkomulítið á norðaustanverðu landinu. Hiti 7 til 15 stig, hlýjast norðaustanlands. Snýst í suðvestan 20-28 með sk...
