Lögreglustjóri ber ábyrgð á að jafnlaunakerfi embættisins standist lög um jafna stöðu og jafnan rétt kvenna og karla nr. 10/2008. Hann ber einnig ábyrgð á jafnlaunastefnu og að þeim lagalegu kröfum og öðrum kröfum sem tengjast jafnlaunakefinu sé framfylgt. Yfirlögregluþjónn er tilnefndur fulltrúi lögreglustjóra varðandi jafnlaunakerfi og er ábyrgur fyrir innleiðingu og viðhaldi þess í samræmi við staðalinn ÍST 85:2012. Jafnlaunastefnan nær til alls starfsfólks.10
Jafnlaunastefna lögreglustjórans á Austurlandi byggir á sanngirni og virðingu fyrir starfsfólki embættisins sem metið er að verðleikum.
Markmið með jafnlaunastefnunni er að allt starfsfólk verði metið eftir hæfni og frammistöðu, þannig að hæfileikar þess og færni fái notið sín og að þeim verði greidd jöfn laun og njóti sömu kjara fyrir sömu eða jafn verðmæt störf. Með jöfnum launum er átt við að laun skulu ákveðin á sama hátt fyrir starfsmenn óháð kyni. Starfsmönnum skal ávallt heimilt að skýra frá launakjörum sínum, ef þau kjósa svo.
Embættið greiðir laun á grundvelli kjara- og stofnanasamninga. Launaákvarðanir eru skjalfestar, rökstuddar og undirritaðar af lögreglustjóra.
Jafnlaunastefnan er órjúfanlegur hluti af launastefnu embættisins.
Til að treysta framkvæmd og stefnu embættisins í málaflokknum og treysta undirstöður þess, skuldbindur embættið sig til að:
Veðrið hefur leikið við Austfirðinga síðustu daga og margir ferðalangar í fjórðungnum að njóta með heimamönnum. Þá er Vopnaskak á Vopnafirði sem laðar að sér fjölda gesta.
Af þessum sökum meðal annars hafa umferðarteppur gert vart við sig í umdæminu þar sem engar hafa áður verið. Tjaldsvæði eru nýtt sem aldrei fyrr, helstu ferðamannastaðir vel sóttir og baðstaðir. Þá hafa kylfingar þyrpst á golfvelli fjórðungsins. Er þá fátt eitt upp talið.
Engin stór mál hafa komið upp þrátt fyrir þennan fjölda fólks. Lögregla hefur því notið þess að fylgjast með mannlífinu og njóta veðurs ekki síður en aðrir. Verður vonandi svo áfram.
Meðfylgjandi eru myndir frá Vopnafirði og Reyðarfirði þar sem reynt er að fanga stemningu dagsins. Fleiri myndir kunna að bætast í hópinn.
stuð á Eskifirði :) www.facebook.com/share/p/8SgEbGPB8WW9R8kd/?mibextid=WC7FNe
Lögreglan á Austurlandi sinnir árlegu hálendiseftirliti um þessar mundir, m.a. við Kverkfjöll, Öskju, Holuhraun, Herðubreiðalindir, Fljótsdalsheiði, Möðrudalsöræfi og víðar. Fylgst er utanvegaakstri, kannað með ökuréttindi og ástand ökumanna, ásamt því að sinna útköllum og aðstoða ferðalanga ef svo ber undir. Eftirlit þetta er liður í sýnileika lögreglu og þjónustu við þá fara um hálendið.
Flottir.
Meðfylgjandi eru helstu tölur lögreglunnar á Austurlandi fyrstu sex mánuði ársins, bornar að sama tímabili árin 2015 til 2023. Tölurnar sem um ræðir tengjast markmiðum/viðmiðum er embættið setti í stefnumörkun ársins og finna má á vef lögreglu.
Hegningarlagabrot, – Fjöldi skráðra hegningarlagabrot eru fleiri í ár en sem nemur meðaltali frá árinu 2015. Þau eru jafnmörg og árið 2020.
Skráðum/tilkynntum auðgunarbrotum og kynferðisbrotum fjölgar milli ára. Fjöldi ofbeldisbrota er svipaður milli ára en eignaspjöllum fækkar.
Umferðarlagabrot, –Skráð umferðarlagabrot eru lítið eitt undir meðaltali frá árinu 2015.
Ölvunarakstursbrotum fjölgar en fjöldi annarra brota er lítið eitt undir meðaltali, svo sem hraðakstur, fíkniefnaakstur og sviptingarakstur/réttindaleysi.
Fíkniefnabrot, – Skráð fíkniefnamál/-brot eru nálægt meðaltali frá 2015.
Umferðarslys, – Skráð slys eru umtalsvert færri en þau voru á síðustu tveimur árum. Þau eru svipuð að fjölda og árin 2019 til 2021. (Tölur ekki tiltækar fyrir fyrstu sex mánuði árin 2015 til 2018.)
Heimilisofbeldi, – Fjöldi skráðra heimilisófriðarmála í ár eru svipuð að fjölda og síðustu tvö ár. Þau eru nokkru færri en árin 2020 og 2021. (Ágreiningur / heimilisofbeldi.)
Tölur lögreglu má finna hér;
