Lögreglustöðin á Höfn
Hafnarbraut 36
780 Höfn
Þjónustusími: 444 2050
Netfang: sudurland@logreglan.is
Okkar fyrsti fyrirlestur um netglæpi fór fram í gær á fræðslustund fyrir eldra fólk og aðstandendur í Sveitarfélaginu Árborg.
Rætt var um áhættuhópa netglæpa, hvað ber að varast, hvað er til ráða, fyrstu viðbrögð við netglæpum og aðrar hættur.
Mikilvægar umræður um ráð til að koma í veg fyrir að lenda í klóm netglæpamanna. Gætum okkar í jólainnkaupunum 🎅🏻
Sveitarfélagið Árborg
Frá því á föstudag eru skráð sjö umferðarslys hjá lögreglunni á Suðurlandi. Í þremur af þessum umferðarslysum voru meiðsli á fólki og í einu tilfelli var um alvarlegt umferðarslys að ræða og það á minningardegi um fórnarlömb umferðarslysa. Alls hafa tólf einstaklingar slasast í umferðinni í umdæminu, frá því á föstudag.
Af öðrum málum er það að segja að fjórir ökumenn voru stöðvaðir, grunaðir um vímuakstur. Tveir fyrir akstur undir áhrifum ávana- og fíkniefna og tveir fyrir ölvunarakstur.
Eitt fíkniefnamál kom upp og er til rannsóknar.
Fjórir ökumenn voru kærðir fyrir of hraðan akstur og sá sem hraðast ók var á 120 km/klst hraða, þar sem hámarkshraði er 90 km/klst.
Enn og aftur hefur lögregla afskipti af ökumönnum, þar sem barn er laust í bifreiðinni. Slíkt er með öllu ótækt.
Sex hegningarlagabrot eru skráð, tvö þjófnaðarmál, eitt fjársvikamál og þrjú líkamsárásarmál. Tvö af líkamsárásarmálunum teljast til heimilisofbeldis.
Samfellt eftirlit er með atvinnutækjum og upp komu mál er varða ranga notkun ökurita auk aksturs í atvinnuskyni án þess að hafa tilskilið rekstrarleyfi.
Er ekki kominn tími á að hefja aftur áróður fyrir bílbelta og barnastólanotkun, það eru ekki sem telja þessi öryggistæki sjálfsagðan hlut.
